MGA SALIK NA NAKAKAAPEKTO SA PAG-UUGALI NG MGA BINATANG MAG-AARAL NA NASA UNANG TAON NG KOLEHIYO SA KURSONG BACHELOR OF SCIENCE IN BUSINESS ADMINISTRATION
_______________________________________________________________________
Isang Sulating Pananaliksik
Na Iniharap kay
Bb. MarilouVitor
Ng Unibersidad ng La
Salle-Ozamis City
_______________________________________________________________________
Bilang Bahagi ng Pagtupad
Sa Pangangailangan ng kursong
FILIPINO 2. Pagbasa at
Pagsulat Tungo sa Pananaliksik
Nina
Arnel Sumaylo
Christian B. Saquin
Hannah Lil Tan
Marso 2014
TALAAN NG MGA NILALAMAN
Talaan
ng mga Nilalaman…..…………………....………….……..………………………..i
Pasasalamat……………………………………………..………………………………...ii
Abstrak……………………………………………..…………………………………….iii
Tsapter
I Introduksyon………………………………..……………………………….…1
Layunin
.………………………………………………………………………….1
Paglalahad ng
Suliranin…………………………………..……………….…..….2
Kahalagahan ng
Pag-aaral………………………..…………………………...….2
Saklaw at
Limitasyon……………………………………………………….……3
Dipinisyon ng mga Termino…………………………….………………..……....4
Tsapter
II Kaugnay na Literatura……..………………………………………….…...….5
Tsapter
III Metodolohiya……………………………………………………………...…8
Paraan ng
Pananaliksik………………………………………..…………….……8
Mga
Respondente…………………...……………………………………….…..8
Instrumento sa pagkalap ng
Datos……………………………………………….9
Pagbuo ng
Talatanungan………..………………………………………..…..……9
Tsapter
IV Paglalahad, Pag-interpret at Pag-aanalisa ng mga Datos………………..…...10
Tsapter
V Konklusyon at Rekomendasyon…………………………………….….……..16
Bibliograpiya……………………………………………………………………….…….18
Apendiks
A……………………………………………………………………….……...21
Propayl
ng mga Mananaliksik……………………………………………………….......22
PASASALAMAT
Kami ay taos-pusong nagpapasalamat sa lahat ng taong
tumulong, gumabay at sumuporta sa amin. Kung hindi dahil sa inyo, hindi po
namin magagawa ng matagumpay at maayos itong aming pag-aaral. Nais naming
ipaabot ang pasasalamat namin sa lahat ng naging parte at tumulong sa amin
upang mabuo ang pag-aaral na ito.
Sa mga Kaklase ko, maraming maraming salamat sa lahat ng nagawa
at naitulong niyo sa amin. Salamat sa pagdinig at pagsagot sa aming mga tanong
tungkol sa pag-aaral na ito.
Sa aming Pamilya, salamat sa pagsuporta niyo sa amin sa lahat
ng aming gawain. Salamat sa pagpapaaral niyo sa amin. Kung wala kayo ngayon, hindi
kami makakapag-aral at marahil ay wala din kami ngayon dito sa Unibersidad na
ito.
Kay Bb. Vitor, maraming salamat po sa lahat lahat ng
naitulong mo sa amin. Maraming salamat sa paggabay mo po sa amin. Kung hindi po
dahil sa inyo, hindi magiging matagumpay at maayos ang pag-aaral na ito.
Salamat po sa pagtuturo mo at sana po ay ipagpatuloy mo pa rin ang pagtulong sa
amin kahit na hindi mo na kami magiging estudyante.
At panghuli, salamat ng malaki sa Panginoong Diyos. Dahil
kung wala siya, ‘di naming matatapos ang pag-aaral na ito. Salamat sa
pagbibigay Mo ng lakas ng loob at tiwala sa sarili. Salamat din po sa pag-asa
at gabay na ibinigay mo sa amin.
Lubos po kaming nagpapasalamat sa inyong lahat. Sana po ay
patnubayan niyo pa rin kami sa susunod.
Mga Mananaliksik
ABSTRAK
Ang pag-aaral na ito ay naglalayong mailarawan at maipakita ang
mga salik na nakakaapekto sa pag-uugali ng mga binatang mag-aaral na nasa unang
taon ng kolehiyo sa kursong Bachelor of Science in Business Administration.
Sinagot ng pag-aaral na ito ang mga sumusunod na katanungan: Una, anu-ano ang mga
salik na nakakaapekto sa pag-uugali ng mga binatang mag-aaral? Pangalawa, anu-ano
ang kabuuang porsyento ng mga salik na nakakaapekto sa pag-uugali ng mga binatang
mag-aaral? Pangatlo, alin sa mga salik ang mas nakakaapekto sa pag-uugali ng mga
binatang mag-aaral?
Ang palarawang disenyo ang ginamit sa pag-aaral na ito. Sa tulong
ng talatanungan, nakuha at nailarawan ng mga mananaliksik ang mga pananaw ng mga
respondente.
Batay sa resulta ng pananaliksik, nakuha ang mga sumusunod na
konklusyon: Una, ang mga salik na nakakaapekto sa pag-uugali ng mga binatang
mag-aaral ay ang kapaligiran, pag-ibig at pera. Pangalawa, ang salik na kapaligiran
ay may kabuuang porsyento na 66% samantalang ang pag-ibig naman ay may kabuuang
porsyento na 34% habang ang pera ay nakakuha ng kabuuang porsyento na 42%. Pangatlo,
ang salik na mas nakakaapekto sa pag-uugali ng mga binatang mag-aaral ay ang kapaligiran
dahil ang salik na ito ang nakakuha ng mas malaking kabuang porsyento na 66%. Pang-apat,
ang tatlong salik na nabanggit ay nakakaapekto sa pag-uugali ng mga binatang
mag-aaral na pinatunayan ng mga datos na nakalap ng mga mananaliksik.
INTRODUKSYON
Rasyunal
Ayon kay Suarez (2011),
ang mga kabataan noon ay masunurin, walang bisyo, magalang at maka-Diyos.
Ngayon, hindi na magalang dahil pabalang na kung sumagot sa mga magulang, hindi
masunurin dahil ang laging sagot ngayon ay "mamaya na" o kaya naman
ay "saglit lang". Noon, isang tingin lang ng mga magulang sa kanilang
anak tumatahimik na agad. Ngayon, halos lumuwa na ang mata sa pagtingin pero
hindi pa rin masaway. Dati ang kabataan ay kusang nagmamano sa mga matatanda,
magalang sa kapwa, maging sa tahanan ay may kusang pagkilos maging babae man
ito o lalaki. Malaki ang kontribusyon ng
media sa nangyayari sa mga kabataan lalo na ang TV. Noong araw kukonti lang ang
may TV, black and white pa - ala aparador.
Dahil dito, gusting
malaman ng mga mananaliksik ang iba pang salik na nakakaapekto sa pag-uugali ng
kabataan lalong lalo na ang mga binata. Sa panahon kasi ngayon, may mga lalaking
naging masungit sa ibang tao at mayroon ding mga lalaki na dati ay laging
nag-aaral at ngayon ay parang wala ng pakialam sa kanyang buhay. Ang mga dahilan
ng mga pagbabago ng pag-uugali ng kalalakihan ay tatalakayin sa pag-aaral na ito.
Layunin
Ang
mga layunin ng pag-aaral na ito ay ang mga sumusunod:
1.
Tukuyin
kung anu-ano ang mga salik na nakakaapekto sa pag-uugali ng mga binatang
mag-aaral.
2.
Ilarawan
ang mga epekto ng mga salik na maaring makaapekto sa pag-uugali ng mga binatang
mag-aaral sa mga mambabasa.
Paglalahad
ng Suliranin
Ang pananaliksik na ito
ay isinagawa upang malaman at maunawaan ng mga tao lalong lalo na ng mga
mag-aaral sa Kolehiyo kung anu-anong mga salik ang nakakaapekto sa pag-uugali ng
mga binatang mag-aaral.
Ang mga sumusunod na katanungan
ay ang mga inaasahang matugunan sa pag-aaral na ito.
1. Anu-ano
ang mga salik na nakakaapekto sa pag-uugali ng mga binatang mag-aaral?
2. Ano
ang kabuuang porsyento ng bawat salik na nakakaapekto sa pag-uugali ng mga binatang
mag-aaral?
3. Alin
sa mga salik ang mas nakakaapekto sa pag-uugali ng mga binatang mag-aaral?
Kahalagahan
ng Pag-aaral
Ang pag-aaral na ito ay
magiging mahalaga sa mga mag-aaral, guro, at mga magulang upang magkaroon ng isang
malawak na kaalaman tungkol sa pag-uugali ng mga binatang mag-aaral na na nasa
unang taon ng kolehiyo na kumukuha ng kursong BSBA sa La Salle
University-Ozamiz.
Mag-aaral. Makakatulong ang pag-aaral na ito sa mga mag-aaral sapagkat
sa pamamagitan nito ay mababatid nila ang mga salik na nakakaapekto sa pag-uugali
ng mga binatang mag-aaral na maaaring kaklase o hindi naman kaya ay kaibigan nila.
Bukod dito, maaari din nilang malaman ang mga dapat gawin o sabihin sa mga binatang
mag-aaral na may iba’t ibang pag-uugali.
Guro. Sa pamamagitan ng pag-aaral na isinagawa
ay malalaman nila ang mga maaaring gawin at sabihin sa kanilang mga binatang
mag-aaral na maaaring naging o maging estudyante nila. Makakagawa sila ng hakbang
kung paano matutulungan ang mga binatang mag-aaral na naaapektuhan ng mga salik
na ito.
Mga Magulang. Magsisilbi rin itong gabay
sa mga magulang ng mga binatang mag-aaral na laging nandiyan para sa kanila.
Dahil sila ang nakakakilala sa kanilang mga anak, mas madali nilang matutulungan
ang kanilang mga anak na binata. Maauunawan nila ang mga dahilan kung bakit nagbabago
ang kanilang binatang anak at mabibigyan din nila ito ng solusyon upang kahit papaano
ay matulungan nila ang kanilang mga binatang anak. Mababatid din ng ibang magulang
na dahil din pala sa pag-aaway nila kaya naaapektuhan at nagbabago ang pag-uugali
ng mga binatang mag-aaral.
Saklaw
at Limitasyon
Ang
pananaliksik na ito ay nakatuon sa mga salik na nakakaapekto sa mga binatang
mag-aaral na nasa unang taon sa Kolehiyo sa kursong Bachelor of Science in
Business Administration. Ang pananaliksik na ito ay hindi tumitiyak sa palahat na
saloobin ng mga mag-aaral. Ito ay may kinalaman sa mga saloobin ng iilang binatang
ma-aaral na nasa unang taon sa Kolehiyo sa kursong Bachelor of Science in
Business Administration. Gayunpaman, naniniwala ang mga mananaliksik na anumang
kinalabasan ng pag-aaral na ito ay hindi malayo sa mga saloobin ng iba pang mga
binatang mag-aaral na naaapektuhan ng mga iba’t ibang salik.
Depinisyon
ng Terminong Ginamit
Ang mga sumusunod ay ang mga
terminong ginamit ng mga mananaliksik sa pagaaral na ito:
Salik.
Ito ay tumutukoy sa mga bagay o sitwasyon na nakakaapekto sa tao o bagay.
Alabok.
Ito ay kasing kahulugan ng alikabok
at abo.
Napuna.
Ito ay kasing kahulugan ng nalaman,
nabatid at natuklasan.
Pag-uugali.
Ito ang panloob na karakteristik ng
isang tao.
Bahagdan. Ito ay isang antas na nagpapakilala bilang isang numero
kada isang daan. Ito ay sinusulat sa pamamagitan ng simbolong %.
Binata. Ito ay tumutukoy
sa mga tunay na lalaki na nasa unang taon ng Kolehiyo sa kursong BSBA mula sa
Unibersidad ng La Salle.
TSAPTER II
MGA KAUGNAY NA LITERATURA
Ayon
kay Merriam, ang pag-uugali ay tumutukoy sa paraan kung paano
kumikilos ang isang tao at kung paano siya tumugon sa kanyang paligid.
Ayon kay Meyer, et al. (1974), ang karaniwang pag-uugali ng mga binatang may
edad na labing-dalawang taong gulang ay ang pumunta sa kwarto, magkulong doon
at makinig sa radyo pero paglipas ng anim na taon, nag-iiba na ang kanilang
pag-uugali. Madalas nang lumipad ang kanilang isip sa iba’t ibang bagay.
Nakikita nga pero ang utak naman ay nasa malayong lugar.
Ayon naman kay Zimbardo (1992), ang mga binata ay
hindi gaanong komportable sa kanilang ina. Ang mga lalaki ay naaakit sa babae,
ang presensya ng kanilang ina ay isang problema para sa kanila. Ang isang
binata ay walang gaanong problema pagdating sa kanilang ama dahil may mga bagay
na magkapareho sila at napapagkasunduan.
Dagdag naman ni Baker (1997), ang mga binata ay hindi
gaanong nagsasalita tungkol sa kanilang emosyon o nararamdaman kung kaya ‘pag
may problema sila, ‘di nila ito sinasabi sa kanilang mga magulang at kadalasan
ay nawawalan ng control sa sarili. Ang isa pang ugali ng isang binata ay ang
palaging tulala, ‘di mo malalaman kung ano ang iniisip nila. Marami din sa mga
binata ang masikreto sa kanilang ina o sa mga babae pero nasasabi nila ito sa
kapwa lalaki.
Sinabi rin ni Loftus, et al. (1992) na ang ugali ng isang
lalaki ay hindi katulad ng sa ibang lalaki. Bawat lalaki ay may kanya-kanyang
pag-uugali. Ang mga ugaling ito ay nagkakaiba depende sa paligid na
kinabibilangan nito at sa mga taong nakapaligid sa kanya.
Ayon kay Freud (1897), ang pag-uugali ay isang panloob
na karakteristik ng isang tao. Ang tao ay may iba’t-ibang pag-uugali na
nakadepende sa kanilang paligid. Ang ugali ng kababaihan ay hindi pareho ng sa
ugali ng kalalakihan dahil ang mga babae ay mahinhin, matulungin, mapagmahal,
maunawain samantalang ang mga lalaki ay matapang, maprinsipyo, mapagmalaki at
matigas ang ulo lalong lalo na ang mga kabataan. Halos mga negatibong
pag-uugali na lamang ang naririnig ng mga tao tungkol sa mga lalaki pero ano
nga ba ang tunay na dahilan sa pagbabago ng kanilang pag-uugali? Ang mga
ugaling ito ay nagbabago dahil sa mga salik na nakakaapekto dito.
Ang
kapaligiran ay isang salik na nakakaapekto sa pag-uugali ng tao dahil ayon kay
Bickhard (2005), ang kapaligiran o ang mga bagay o tao na nakapaligid sa isang
tao ay siyang humuhubog sa pag-uugali nito. Hinuhubog ng kapaligiran ang
pag-uugali ng isang tao sa pamamagitan ng mga pandama ng tao kagaya nalang ng
kanilang mga naririnig at nakikita sa kanilang paligid. Ang kanilang mga
nakikita o naririnig mula sa kanilang kapaligiran ay pwedeng makaapekto sa
kanilang pag-uugali. Dagdag naman ni Loop (2010), ang pag-uugali ng isang tao
ay maaaring magbago dahil sa ibat ibang impluwensya ng kapaligiran tulad ng mga
impluwensya ng mga kaibigan sa isang tao. Kung ano yung pag-uugali ng kaibigan
ng isang tao, maaari niya itong magaya lalong lalo na kung ito ang lagi niyang
kasama dahil aakalain niya na ayos lang kung ganun din ang iasta niya sa iba
kagaya ng ginagawa ng kanyang kaibigan.
Sinabi naman
ni Angelie (2011), na ang pag-ibig ay nakakaapekto sa pag-uugali ng isang tao
sa madaming paraan. Ang pag-ibig ay may kinalaman sa damdamin ng isang tao at
ito ay maaaring makaapekto ng sobra sa pag-uugali ng isang tao dahil sabi nga
ng mga matatalino, ang damdamin ay parang isang mabangis na hayop sa kagubatan
na kailangang paamuhin upang maiwasan ang hindi makatwirang pag-uugali. Dagdag
naman ni Wright (2002), ang mga negatibong damdamin tulad ng galit ay maaaring
makaapekto sa pag-uugali ng isang tao sa negatibong paraan at ganun din ang mga
positibong damdamin tulad ng saya at galak ay maari ding makaapekto sa
pag-uugali ng isang tao sa positibong paraan.
Ayon naman
kay Nauert (2008) na sa kabila ng materyalistik na konsepto na nauugnay sa
kayamanan, ang pera ay isang mahalagang bagay sa buhay ng tao. May mga bagong
pag-aaral na ipinapakita na ngayon na ang pera ay hindi lamang isang bagay para sa pagkakaroon ng mga
materyal, ngunit isang kadahilanan sa personal na pagganap, interpersonal na
relasyon at pati na rin sa paghubog sa pag-uugali ng isang tao.
TSAPTER III
METODOLOHIYA O PARAAN NG
PANANALIKSIK
Paraan
ng Pananaliksik
Ang pag-aaral na ito ay ginamitan ng
“descriptive research” o palarawang pagsusuri sa pagtuklas ng mga salik na nakakapekto
sa pag-uugali ng mga binatang mag-aaral kung saan ang talatanungan ang pinakamahalagang
instrumentong ginamit sa pagkalap ng datos na magagamit sa pananaliksik na ito
at inilalarawan ng mga mananaliksik ang
mga datos na nakalap. Gumamit din ng “purposive sampling” ang mga mananaliksik
dahil ang mga respondente ay pinili at alam na ng mga mananaliksik kung sino
ang mga respondente. Gumamit din ng “quantitative method” ang mga mananaliksik
dahil ginamitan ang pag-aaral na ito ng mga numero at porsyento sa pagpapahayag
ng mga datos na nakalap.
Pinili
ang mga paraang ito dahil ang pangunahing hangarin ng mga mananaliksik ay ang pagtuklas
kung anu-ano ang mga salik na nakakaapekto sa pag-uugali ng mga binatang
mag-aaral at makakamit lamang ito nang mabilis kung gagamit ang mga
mananaliksik ng mga nabanggit na mga paraan.
Mga
Respondente
Ang
pag-aaral na ito ay binubuo ng tatlumpong (30) respondente. Ang mga respondenteng
ito ay mga binata na nasa unang taon pa lang sa Kolehiyo sa kursong Bachelor of
Science in Business Administration na nagmulasa La Salle University Ozamiz. Sa pamamagitan
ng pagbigay ng mga talatanungan, natukoy ng mga mananaliksik ang mga salik na nakakaapekto
sa pag-uugali ng mga binatang mag-aaral.
Instrumento
sa Pagkalap ng mga Datos
Ang pag-aaral na ito ay sinisiyasat sa
pamamagitan ng talatanungan at tseklist. Sa paraang ito, madaling nakalap ang mga
datos at impormasyong nakatulong sa pagpapakahulugan ng mga datos na ipinamigay
sa mga napiling respondente upang sagutin at matukoy ang mga makabuluhan at
detalyadong kasagutan. Ang pangunahing hangarin ng mananaliksik ay ang pag-alam
sa mga mahahalagang impormasyon na naugnay sa mga salik na nakakaapekto sa pag-uugali
ng mga binatang mag-aaral.
Pagbuo ng Talatanungan
Ang mga mananaliksik ay bumuo ng kagamitang
batay sa mga maaaring maging opinyon ng mga mag-aaral ukol sa pag-uugali ng mga
binatang mag-aaral. Ang nabuong talatanungan ay pinasagot sa tatlumpong (30)
respondente na nasa unang taon pa lang sa Kolehiyo sa kursong Bachelor of
Science in Business Administration na nagmula sa La Salle University Ozamiz.
Ang talatanungan na gagamitin sa pananaliksik
ay may bahagi. Ang unang bahagi ay pansariling datos ng mga respondente. Napapaloob
dito ang pangalan at kurso ng mga napiling respondente.
Ang
ikalawang bahagi ay kinapapalooban ng mga tanong tungkol sa mga bagay o
sitwasyon na nakakaapekto sa pag-uugali ng mga binatang mag-aaral. ito ay
sasagutin sa pamamagitan ng pagtsek sa mga sagot na sa tingin nila ay tama at
akma sa kanila.
TSAPTER IV
PAGLALAHAD, PAG-INTERPRET, PAG-AANALISA NG
MGA DATOS
Paglalahad
ng mga datos
Sa ginawang sarbey ng mga mananaliksik sa tatlumpong (30)
respondente, ang mga sumusunod ay ang mga datos na nakalap:
Kapaligiran
MgaSagot
|
Bilang
|
Bahagdan
|
Oo
|
26
|
87%
|
Hindi
|
4
|
13%
|
Kabuuan
|
30
|
100%
|
Talahanayan 4.1:
Frikwensi ng mga binatang nabu-bwiset kapag maingay ang paligid.
Ayon sa Talahanayan 4.1, 87% sa mga
binata ang nagsabing nabu-bwiset sila kapag maingay ang kanilang paligid habang
13% naman ang nagsabing hindi. Nangangahulugan lamang ito na marami sa
kalalakihan ang nabu-bwiset kapag maingay ang kanilang paligid.
MgaSagot
|
Bilang
|
Bahagdan
|
Oo
|
13
|
43%
|
Hindi
|
17
|
57%
|
Kabuuan
|
30
|
100%
|
Talahanayan 4.2:
Frikwensi ng mga binatang nagagalit o naiirita kapag kinakausap sila ng taong
hindi nila kilala.
Ayon sa Talahanayan 4.2, 43% ng mga
binata ang nagsabing nagagalit o naiirita sila kapag kinakausap sila ng taong
hindi nila kilala habang 57% naman ang nagsabing hindi. Nangangahulugan lamang
ito na marami sa kalalakihan ang hindi nagagalit o naiinis kapag kinakausap
sila ng taong hindi nila kilala.
MgaSagot
|
Bilang
|
Bahagdan
|
Oo
|
20
|
67%
|
Hindi
|
10
|
33%
|
Kabuuan
|
30
|
100%
|
Talahanayan 4.3:
Frikwensi ng mga binatang naiinis kapag inuutusan sila sa bahay habang
nag-aaral.
Ayon sa Talahanayan 4.3, 67% ang
nagsabing naiinis sila kapag inuutuusan sila sa bahay habang nag-aaral habang
33% naman ang nagsabing hindi. Nangangahulugan lamang ito na marami sa
kalalakihan ang naiinis kapag inuutusan sila sa bahay habang sila ay nag-aaral.
Pag-ibig
MgaSagot
|
Bilang
|
Bahagdan
|
Oo
|
10
|
33%
|
Hindi
|
20
|
67%
|
Kabuuan
|
30
|
100%
|
Talahanayan 4.4:
Frikwensi ng mga binatang naiinis kapag inuutusan sila sa bahay habang
nag-aaral.
Ayon sa Talahanayan 4.4, 33% ng mga kalalakihan ang nagsabing naiinis sila
kapag inuutusan sila sa bahay habang nag-aaral habang 67% naman ang nagsabing
hindi. Nangangahulugan lamang ito na marami sa mga kalalakihan ang naiinis
kapag inuutusan sa bahay habang sila ay nag-aaral.
MgaSagot
|
Bilang
|
Bahagdan
|
Oo
|
16
|
53%
|
Hindi
|
14
|
47%
|
Kabuuan
|
30
|
100%
|
Talahanayan 4.5:
Frikwensi ng mga binatang nawawalan ng konsentrasyon sa kanilang pag-aaral
kapag mayroon silang hindi napagkakaunawaan ng kanilang kasintahan.
Ayon sa Talahanayan 4.5, 53% ng mga kalalakihan ang nagsabing
nawawalan sila ng konsentrasyon sa kanilang pag-aaral kapag mayroon silang
hindi napagkakaunawaan ng kanilang kasintahan habang 47% naman ang nagsabing
hindi. Nangangahulugan lamang ito na marami sa kalalakihan ang nawawalan ng
konsentrasyon sa kanilang pag-aaral kapag mayroon silang hindi napagkakaunawaan
ng kanilang kasintahan.
MgaSagot
|
Bilang
|
Bahagdan
|
Oo
|
5
|
17%
|
Hindi
|
25
|
83%
|
Kabuuan
|
30
|
100%
|
Talahanayan 4.6:
Frikwensi ng mga binatang hindi pumapasok sa paaralan kapag hiniwalayan sila ng
kanilang kasintahan.
Ayon sa Talahanayan 4.6, 17% ng mga kalalakihan ang nagsabing
hindi sila pumapasok sa paaralan kapag hiniwalayan sila ng kanilang kasintahan
habang 83% naman sa kanila ang nagsabing pumapasok pa rin sila sa paaralan
kahit na hiniwalayan sila ng kanilang kasintahan. Nangangahulugan lamang ito na
marami sa kalalakihan ang pumapasok pa rin sa paaralan kahit na hiniwalayan
sila ng kanilang kasintahan.
Pera
MgaSagot
|
Bilang
|
Bahagdan
|
Oo
|
12
|
40%
|
Hindi
|
18
|
60%
|
Kabuuan
|
30
|
100%
|
Talahanayan 4.7:
Frikwensi ng mga binatang nagagalit sa mga magulang kapag binabawasan ang
kanilang allowance.
Ayon sa Talahanayan 4.7, 40% ng mga kalalakihan ang nagsabing
nagagalit sila sa kanilang mga magulang kapag binabawasan ang kanilang
allowance habang 60% naman sa kanila ang nagsabing hindi. Nangangahulugan
lamang ito na marami sa kalalakihan ang hindi nagagalit sa kanilang mga
magulang kahit na binawasan ang kanilang allowance.
MgaSagot
|
Bilang
|
Bahagdan
|
Oo
|
11
|
37%
|
Hindi
|
19
|
63%
|
Kabuuan
|
30
|
100%
|
Talahanayan 4.8:
Frikwensi ng mga binata na nawawalan ng ganang pumasok sa paaralan kapag kulang
ang baon nilang pera.
Ayon sa Talahanayan 4.8, 37% ng mga kalalakihan ang
nagsabing wala silang ganang pumasok kapag kulang ang baon nilang pera habang
63% naman sa kanila ang nagsabing pumapasok pa rin sila sa paaralan kahit na
kulang ang baon nilang pera.
MgaSagot
|
Bilang
|
Bahagdan
|
Oo
|
15
|
50%
|
Hindi
|
15
|
50%
|
Kabuuan
|
30
|
100%
|
Talahanayan 4.9:
Frikwensi ng mga binatang nababadtrip kapag wala silang pera.
Ayon sa Talahanayan 4.9, 50% ng mga kalalakihan ang nagsabing
nababadtrip sila kapag wala silang pera at 50% din sa kanila ang nagsabing
hindi. Nangangahulugan lamang ito na kalahati ng mga kalalakihan ay nababadtrip
kapag wala silang pera at kalahati din sa kanila ang hindi nababadtrip kahit na
wala silang pera.
Makikita
saTalahanayan na ito ang kabuuang porsyento na nakuha ng bawat salik.
MgaSalik
|
Bilang
|
Kabuuang Porsyento
|
Kapaligiran
|
59
|
66%
|
Pag-ibig
|
31
|
34%
|
Pera
|
38
|
42%
|
Talahanyan 4.10:
Frikwensi ng mga binatang naapektuhan ng bawat salik.
Ayon saTalahanayan 4.10, ang
kapaligiran ay nakakuha ng kabuuang porsyent na 66%, ang pag-ibig naman ay may
average na 34% samantalang ang pera naman ay may kabuaang porsyento na 42%.
Nangangahulugan lamang ito na marami sa mga binatang mag-aaral ang mas
naapektuhan sa salik na kapaligiran.
Pagkuha ng Kabuuang Porsyento ng Bawat
Salik
Pagsama-samahin
ang bilang ng mga sumagot ng Oo sa tatlong tanong ng bawat salik at hatiin ang
sagot sa 90 at i-multiply sa 100 upang makuha ang kabuuang porsyento na bawat
salik.
Kapaligiran
(26+13+20)÷3x100=66
AngKapaligiran ay nakakuha ng porsyento na 66%.
Pag-ibig
(10+16+5)÷3x100=34
Ang Pag-ibig ay nakakuha ng porsyento na 34%.
Pera
(12+11+15)÷3x100=42
Ang Pera ay nakakuha ng porsyento na 42%.
Nangangahulugan lamang ito na mas nakakaapekto sa mga
binatang mag-aaral ang salik na kapaligiran kesa sa iba pang mga nabanggit na
salik.
TSAPTER V
KONKLUSYON AT REKOMENDASYON
Konklusyon
Mula sa isinasagawang masusing pag-aaral ng mga mananaliksik,
ipinapahayag ang mga sumusunod na konklusyon:
1. Ang mga salik na nakakaapekto
sa pag-uugali ng mga binatang mag-aaral ay ang kapaligiran, pag-ibig at pera.
2. Ang salik na kapaligiran ay
nakakuha ng kabuuang porsyento na 66% samantalang ang pag-ibig naman ay may kabuuang
porsyento na 34% habang ang pera ay nakakuha ng kabuuang porsyento na 42%.
3. Batay sa nakalap na impormasyon
ng mga mananaliksik, ang salik na mas nakakaapekto sa pag-uugali ng mga binatang
mag-aaral ay ang kapaligiran dahil ang salik na ito ang nakakuha ng mas
malaking kabuuang porsyento na 66%.
Napag-alaman din ng mga mananaliksik kung ano-ano ang mga salik ang pwedeng
makaapekto sa pag-uugali ng mga binatang mag-aaral. Ang sumusunod ay ang mga salik
na nakakaapekto sa pag-uugali ng mga binatang mag-aaral:
Kapaligiran, ang isa sa mga salik na nakakaapekto sa pag-uugali ng mga
binatang mag-aaral na kung saan kadalasan sa kanila ay nabu-bwesit kapag maingay
ang kanilang paligid, nagagalit at naiirita sila kapag kinakausap sila ng mga taong
hindi nila kilala.
Pag-ibig, pangalawa sa mga salik na nakaapektosapag-uugalingmgabinatang
mag-aaralna kung saankadalasansakanila ay nawawalan ng pokus at konsentrasyon sa
pag-aaral sa kadahilanang mayroon silang hindi napagkaunawaan ng kanilang kasintahan.
Dapat din nilang tandaan na hindi lang ang kanilang kasintahan ang pwedeng magmahal
sa kanila dahil nandiyan naman ang kanilang pamilya na handing magmahal sa kanila.
Pera, pangatlo sa mga salik na nakakaapekto sa pag-uugali ng mga binatang
mag-aaral na kung saan nagagalit sila sa kanilang mga magulang kapag nababawasan
ang kanilang baon o allowance sa pag-aaral at nawawalan rin sila ng ganang pumasok
sa paaralan kapag kulang ang baon nilang pera.
Rekomendasyon
Dahil sa nakalap na mga datos,
nirerekomenda ng mga mananaliksik ang mga sumusunod sa mga binatang mag-aaral:
Una, huwag basta-bastang maiinis
at magagalit kapag may kumakausap sayo na ibang tao. Pangalawa, huwag agad mabu-bwesit
kapag masyadong maingay ang iyong paligid. Pangatlo, huwag agad mawawalan ng pokus
at konsentrasyon lalung-lalo na sa pag-aaral kapag hinihiwalayan ka ng iyong nobya
o ‘di kaya’y mayroon kayong hindi napagkakaunawaan. At ang pang-apat, huwag agad
magagalit kung sakaling kulang o binabawasan ang iyong baon o allowance sa pag-aaral
at lalong huwag mawalan ng ganang pumasok kung kulang ang baon mong pera.
Nirerekomenda rin ng mga mananaliksik
sa mga susunod pang mga mananaliksik na gumawa ng riserts o pag-aaral na may
kinalaman sa pag-aaral na ito katulad nalang ng pag-aaral tungkol sa mga salik na
nakakaapekto sa pag-uugali ng mga dalagang mag-aaral sa Unibersidad ng La Salle
o hindi naman kaya ay gumawa sila ng pag-aaral tungkol sa kung papaano magagabayan
o matutulungan ang mga mag-aaral na naaapektuhan ng mga salik na nabanggit.
BIBLIOGRAPIYA
Alexander, R. (1979). The
Evolution of Human Behavior: The Darwinian Revolution Continued. Retrieved on
March 14, 2014 from http://faculty.education.illinois.edu/g-cziko/twd/pdf/twd08.pdf
Anonymous (2010).Environmental
Effects on Personality. Retrieved on February 4, 2014 from http://personalitycafe.com/debate-forum/11080-environmental-effects-personality.html
Anonymous (2012).Kababaihan Psychology Tungkol Lalaki – Paano Upang Intindihin Lalaki ng
Ugali. Retrieved on january 19, 2014
from http://www.philstar.com/para-malibang/2013/02/01/903403/nakakairitang-ugali-ng-mga-lalaki
Anonymous (2013).Nakakairitangugalingmgalalaki.
Retrieved on January 23, 2014 from http://www.philstar.com/para-malibang/2013/02/01/903403/nakakairitang-ugali-ng-mga-lalaki
Baker, S.P (1997). Psychology: Perspectives on Behavior.
Psychology 9: 8-11.
Bickhard, M. (1980). How Does
the Environment Affect the Person? Retrieved on January 17, 2014 from http://www.lehigh.edu/~mhb0/EnvtoPerson.pdf
Cherry, K. (n.d.). Attitudes: How
Attitudes Form, Change and Shape Our Behavior. Retrieved on March 14, 2014 from
http://psychology.about.com/od/socialpsychology/a/attitudes.htm
Feinaurer, J. (2013). Does
money corrupt? A controversial study explores the effects of money on human
behavior. Retrieved on February 7, 2014 from http://www.deseretnews.com/article/865583328/Does-money-corrupt-A-controversial-study-explores-the-effects-of-money-on-human-behavior.html?pg=all
Gregoire, C. (2013). How Money
Chabges The Way We Think And Behave. Retrieved on February 28, 2014 from http://www.huffingtonpost.com/2014/01/06/psychology-of-wealth_n_4531905.html
Loop, E. (n.d.). Social
Influences on Human Behavior.eHOW. Retrieved on January 21, 2014 from http://www.ehow.com/info_8510709_social-influences-human-behavior.html
Meyer, L.S., and Grossen, N.
(1974). Behavioral Research theory, procedure, and design.Psychological
Research. pp. 22-26.
Nauert, R. (2008). Money
Influences Behavior More Than We Think. Psych Central. Retrieved on March 9,
2014, from http://psychcentral.com/news/2008/07/10/money-influences-behavior-more-than-we-think/2586.html
Oddman (n.d.). How do Emotions
Affect Human Behavior? Retrieved on January 12, 2014 from http://science.blurtit.com/599070/how-do-emotions-affect-human-behavior
Rana, H. (1997). Sigmund
Freud. Retrieved on January 26, 2014 from http://www.muskingum.edu/~psych/psycweb/history/freud.htm
Skinner, B.F. (1984). The
Evolution of Behavior. Journal of The Experimental Analysis of Behavior.
Retrieved on March 14, 2014 from http://www.ncbi.nlm.nih.gov/pmc/articles/PMC1348035/
Suarez, W. (2011). Kabataan
noon at ngayon. Retrieved on March 13, 2014 from https://www.facebook.com/permalink.php?story_fbid=222313317809852&id=146488332059018
Wright, M. (n.d.). How Do Your
Emotions Affect Your Behaviors? Retrieved on February 27, 2014 from http://www.ehow.com/print/how-does_4600645_emotions-affect-behaviors.html
Zimbardo, P.G. (1992).
Psychology and Life.Psychology Thirteenth Edition. United States of America.
pp. 16-17.
APENDIKS A
Talatanungan
Pangalan:
Kurso:
Panuto: Lagyan ng tsek ang bilog na katabi ng OO kung tama at ganun din
sa HINDI kung mali .
MgaTanong
Kapaligiran
1. Nabu-bwiset ka ba kapag maingay ang paligid?
O Oo O Hindi
2. Nagagalit o naiirita ka ba kapag kinakausap ka ng taong hindi mo kilala.
O Oo O Hindi
3. Naiinis ka ba kapag inuutusan ka sa bahay habang nag-aaral?
O Oo O Hindi
Pag-ibig
1. Naiinis ka ba kapag binasted ka ng iyong nililigawan?
O Oo O Hindi
2. Nawawalan ka ba ng konsentrasyon sa pag-aaral kapag mayroon kayong hindi napagkaunawaan
ng iyong kasintahan?
O Oo O Hindi
3. Hindi ka ba pumapasok sa paaralan kapag hiniwalayan ka ng iyong
kasintahan?
O Oo O Hindi
Pera
1.
Nagagalit ka ba sa mga magulang mo kapag binabawasan
nila ang allowance mo?
O Oo O Hindi
2.
Wala ka bang ganang pumasok sa paaralan kapag kulang
ang baon mong pera?
O Oo O Hindi
3.
Nababadtrip ka ba kapag wala kang pera?
O Oo O Hindi
PROPAYL NG MGA MANANALIKSIK
Pangalan:
Sumaylo,
Arnel
Edad: 17 taonggulang
Tirahan: P- Green Valley,
TinagoOzamiz City
Kurso: BLIS-1
Kasarian:
Lalaki
Magulang:
Ama:
Romeo L. Hipanao
Ina:
Ailyn S. Hipanao
Edukasyon:
Elementarya:
Ozamiz City Central School
Sekondarya:
Brother Martin Simpson Laboratory School
Tersyarya: La Salle University
Motto:
“Mas mabuti ng mabigo sa paggawa ng isang
bagay
Kesa magtagumpay sa paggawa ng wala”
PROPAYL NG MGA MANANALIKSIK
Pangalan:
Saquin,
Christian B.
Edad: 17 taonggulang
Tirahan: P- Bonifacio, Bacolod
Ozamiz City
Kurso: BSBA-1
Kasarian:Lalaki
Magulang:
Ama:
Noel M. Saquin
Ina:
Gina B. Saquin
Edukasyon:
Elementarya:
Bacolod Elementary School
Sekondarya:
Ozamiz City National High School
Bokasyonal: Ozamiz City
Technical and Vocational School (OCTAVS)
Tersyarya: La Salle University
Motto:
“Huwag mo nang gawin bukas
ang mga bagay na
pwede mo namang gawin
ngayon”
PROPAYL NG MGA MANANALIKSIK
Pangalan:
Mamowalas,
Mohaemen M.
Edad: 20 taong gulang
Tirahan: P- Madanihon, Tinago Ozamiz
City
Kurso: BSBA-1
Kasarian:
Lalaki
Magulang:
Ama:
Alexander L. Mamowalas
Ina:
Caya L. Mamowalas
Edukasyon:
Elementarya:
Ozamiz City Central School
Sekondarya: Guinaro Memorial
National High School
Tersyarya:
La Salle University
Motto:
“No Man is an Island”
PROPAYL NG MGA MANANALIKSIK
Pangalan: Tan, Hannah Lil
Edad:
18 taong gulang
Tirahan:
P-2
Malingao, Tubod, Lanao Del Norte
Kurso:
BSBA-2
Kasarian: Babae
Magulang:
Ama: Alfonso B. Tan
Ina: Liliane Tan
Edukasyon:
Elementarya: Malingao Central Elemntary
School
Sekondarya: Agusan National High School
Tersyarya:
La Salle
University
Motto:
“It’s better to TRY and FAIL than to FAIL
without TRYING”
No comments:
Post a Comment